ازاي تبقي اغلس عضو في المنتدي

محاضرات مكثفه من اجل ان تصبح غلس. ورخم. ورزل على الاخر..بمعنى اخر محدش طايقك خالص...وجايبلكم شويه حاجات كده انما ايه!..هتدعولى

(دا ان فضلتوا عايشين اصلا؟؟؟)

1-تدخل موضوع اى حد وانت يعينى لسه عضو على قدك وتكتبله بالبنط العريض(تم تثبيت الموضوع)....قال يعنى الواد بقه مشرف خلاص

2-تدخل موضوع صاحبه مالفه وطالع عينه فيه وتكتبله:انا شوفت الموضوع ده فى مجله ميكى قبل كده؟!

3-او تدخل موضوع جامد جدا وبرضه صاحبه مالفه وتقوم(بكل غتاته)كاتب:جاااامد جدا بجد...وبعد شويه نفاق تقول:
بس بعد كده ابقى اكتب انه منقول..بلاش الحركات القرعه دى

4-تدخل اى موضوع وياسلام لو سهل ومفهوم وتكتب فى الرد:ايوه عرفتها....الحل البطيخه....صح؟

5-تدخل موضوع اى حد وترد بداله على الناس..ولا كأن الموضوع بتاعك؟؟

6-تبعت لصاحب اى موضوع دخلته الرد بتاعك فى رساله خاصه...وتقول لا بجد موضوع تمام؟؟؟

7-تدخل انت وواحد صاحبك على نفس الموضوع وتقعدوا تدردشوا شويه...
وتطنش صاحب الموضوع اساسا...

8-تكتب ردك بلون مش باين خالص او فاقع زياده عن اللزوم...
وفى الاخر بالاسود تقول معلش كنت بجرب اللون حلو ولا لأ؟

9-تكتب فى رد شويه حروف مش مفهومه خالص
وفى الرد اللى بعديه تكتبله:معلش نسيت اغير لغه الكيبورد
وتسكت على كده..

10-تقعد تقول شعر فى الموضوع..وتمدح فى صاحب الموضوع(من غير اسامى) على قد ما ربنا يقدرك..
وفى رد بعده على طول..تكتب :اسف كنت فاكرك (.....)وتكتب اسم اى واحد تانى

انت فظيع يادكتور بس شكلك ياما اسيت

أنا معاك يا ايه في الكلام ده ربنا يعينك يا دكتور